WBA (Super) және IBO нұсқасы бойынша әлем чемпионы Геннадий Головкиннің австралиялық Дэниэл Гилға қарсы  жекпе-жегі «Чемпионат» сайты нұсқасы бойынша кәсіби бокста шілде айындағы ең үздік жеті жекпе-жектердің қатарына енді. Бокстан орта салмақ дәрежесінде WBA (Super) мен IBO бойынша әлем чемпионы қазақстандық Геннадий Головкин австралиялық боксшы Дэниэл Гилді 3-ші раундта сұлатып салды. Естеріңізге салайық, Г.Головкиннің 33 жастағы Дэниэл Гилге қарсы кездесуі 27 шілдеде Нью-Йорктегі 20 мың орындық Madison Square Garden аренасында өттi. Жекпе-жек HBO телеарнасы арқылы 100-ден астам елде көрсетiлдi. Бұл - Геннадийдің кәсіпқой бокстағы 30-шы кездесуі. Осы кездесу барысында Геннадий қарсыласын үшінші раундта нокаутқа жіберген еді. Ал жалпы, осы шаршы алаңдағы жұдырықтасуында қазақстандық боксшы өзінің WBA чемпионы титулын 11-ші рет қорғады. Ол 30 кездесудің 27-сiн нокаутпен жеңген болатын.

Ақпарат көзі: www.kazinform.kz