Бірінші лиганың жетінші туры аясында Өскеменнің «Алтай» командасына қарсы жасыл алаңға шыққан жамбылдық футболшылар қарсыластарымен тең түсті. Турдың орталық кездесуінде қос команда футболшылары гол соға алған жоқ. Алма-кезек шабуылдармен өрбіген ойында футболшылардан гөрі қақпашылардың бәсі басым болды. Дегенмен ойынның екінші бөлігінде төреші екі бірдей «Тараз» футболшысын алаңнан қуды. Алдымен қақпашы Самат Отарбаев ойыннан шеттетілсе, артынша Бекзат Шадыманов қызыл қағаздың иесі атанды. Осылайша жарты сағат бойы 9 ойыншымен ойнаған жамбылдықтардың қақпасына алаң иелері гол соға алмай, қапы қалды. Соңғы кездесулерде ұпай тарата бастаған «Тараз» футболшыларына ес жиятын сәт келді. Маусым басталмас бұрын премьер-лигаға қайта оралуды мақсат еткен жамбылдықтардың ойыны әзірге көңіл көншітер емес. Әйткенмен алдағы турларда «Тараз» футболшылары жеңісті жорықты қайта бастайды деген сенім бар. Жерлестеріміз бүгін «Ақтөбе Жас» командасын қабылдайды.
Табиғат АБАИЛДАЕВ.
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді