Хоккейден бірінші дивизионда сынға түсіп жатқан Қазақстан құрама командасы екінші кездесуде Ұлыбритания командасын 6:1 есебімен ойсырата ұтып, өздерінің шын мықты екенін кезекті мәрте дәлелдеді. Қос команда арасындағы ойын аса тартысты басталды. Кездесудің үшінші минутында Ұлыбритания құрамасының ойыншысы Люк Феррера қанжығасын майлап есеп ашса, 15-минутта Дмитрий Гренц мергендігімен көзге түсіп, таразы басын теңестірді. Тартысты өткен ойынның екінші кезеңінде қазақстандық хоккейшілер қарсыластарынан бір бас жоғары екендіктерін аңғартты. 33-минутта Антон Сагадеев еншісіне бір шайба жазып, есепті 2:1-ге жеткізсе, 35-минутта Роман Старченко мүмкіндігін мүлт жібермей, құрамамыздың басымдығын нығырлай түсті. Үшінші жиырма минуттықта ұлттық құраманың оғландары тағы үш шайба соқты. Ойынның 42-минутында Роман Старченко дубль авторы атанса, араға төрт минут салып Никита Михайлис есепті 5:1-ге жеткізді. Ал кездесудің 47-минутында Әлихан Әсетов ақтық нәтижені тіркеді. Қорытынды есеп – 6:1. Қазақстан құрамасының пайдасында.
Бет қатталып жатқанда: Өкінішке қарай, хоккейші жігіттеріміз Италия жігіттеріне 0:3 есебімен есе жіберді.
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді