Футболдан Алжир құрамасының бапкері Вахид Халилходжич қай ойыншы Рамазан айында ораза ұстағанын айтудан бас тартты, деп хабарлады BBC. "Ол ойыншының жеке өмірі. Оның жеке өміріне қатысты сауал жолдаған сіздер этиканы бұзып отырсыздар", - деді босниялық жаттықтырушы Халилходжич бұл пікір алмасуды тоқтатуды сұрады. Алжирліктердің әлем чемпионатындағы кезекті ойыны 1 шілдеде Мәскеу уақытымен сағат 0:00-де басталады. Олар ширек финалға шығу үшін Германия құрамасымен бақ таластырады.

Ақпарат көзі: www.kazinform.kz