Жат жерде көрмегені жоқ қорғансыз қазақтардың мәселесі әбден ушыққан тұста, депутататр "құқықтарын қорғау керек" деп, үн қатып жатыр. Үкімет пен парламент оянғанша Қытай билігі өз жеріндегі қазақтарды былай қойып, Қазақстанның 11 азаматын да тергеуге алыпты.

"Қандастарымыз босып кетті ғой. Қиналып жатыр ғой. Шын мәнінде қиналып жатыр. Не істерімізді білмейміз.Оған бір тепсініп айтуға да халықаралық жағдай онша келе бермейді. Бірақ, осындай нәрселерге жеңілдікпен қарауға. Кейде рас заңды, бірақ сонда да әділетсіз болып жатады біздің жағдайымыз", - дейді парламенті мәжілісінің депутаты Бекболат Тілеухан.

Айта кетейік тергеу алынған Қазақстанның 11 азаматының 4-і елге оралған. Қалған 7 отандасымыздың тағдырын Сыртқы істер министрінің орынбасары 17 сәуірдегі Үрімжіге сапары барысында шешпекші.

Мұхтар Тілеуберді Қытайдағы қазақ диаспорасының мәселесін де қозғаймын деп уәде беріп кетті.