Бұқаралық спортты кеңінен насихаттау мақсатында банк саласының қызметкері болған, футболшы Темірлан Арзымбетовті еске алуға арналған шағын футболдан облыстық турнир өтті. Жарысқа 25 команда қатысып, дода көрігін қыздырып бақты. Жеребе тарту рәсімінен кейін командалар шын мықтыны анықтауға ынта-шынтасымен кірісіп кетті. Бірқатар ойындарда командалардың бір-біріне терезесі тең екендігі аңғарылса, кейбір кездесулерде шын мықтылар қарсыластарын ірі есеппен ойсырата ұтып, жеңіске жетуге ұмтылды. Жарыс қорытындысында ойын соңынан кейінгі пенальтиден «Альтаис» командасын 2:1 есебімен ұтқан Ұлттық қауіпсіздік комитетінің ұжымы топ жарса, «Альтаис» командасына екінші орын бұйырды. Жуалы және Байзақ аудандарының командалары үшінші орын үшін өткен ойында жеңімпазды анықтай алмай, тағы футбол «лотереясына» арқа сүйеді. Нәтижесінде байзақтықтар 2:1 есебімен басымдық танытып, үздік үштіктен көрінсе, жуалылықтарға төртінші орын бұйырды. Сонымен қатар жарыс соңында «Үздік қақпашы», «Үздік ойыншы», «Үздік қорғаушы» аталымдары бойынша тамаша ойын өрнегін көрсете білген футболшылар анықталып, марапатталды.
Табиғат АБАИЛДАЕВ
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді