Бүгiн Бразилияда әлем чемпионаты аясында Е тобындағы Франция мен Эквадор құрама командалары кездесiп, 0:0 есебiмен тең түстi.

Екi команданың футболшылары шабуылдарға жиi-жиi шығып отырғанымен, бұл матчта гол болған жоқ. Осы ойыннан кейiн Франция құрамасы 7 ұпаймен топта бiрiншi орын алып, 1/8 финалға өттi. Ал Эквадор болса, 3 ұпаймен отандарына қайтатын болды. Гондурасты ұтып кеткен Швейцария 6 ұпай жинап, топтан шыққан екiншi команда атанды. Гондурас бiрде-бiр ұпайсыз жарыстан тыс қалып отыр.

Ақпарат көзі: www.kazinform.kz