Алматы қаласында бокстан Бекзат Саттархановты еске алуға арналған турнир өтті. Жоғары деңгейде ұйымдастырылған жасөспірімдер додасына еліміздің кіл «сен тұр, мен атайын» боксшылары қатысып, жарыс көрігін қыздырды. Айтулы аламанға жамбылдық жасөспірімдер де қатысып, олжалы оралды. №6 спорт мектебінің жаттықтырушысы Дархан Құманәлі баптайтын төрт бірдей өреніміз жүлдегерлердің қатарынан көрінді. Әсіресе 32 килограмм салмақ дәрежесінде сынға түскен Бекасыл Есмұрзаев қарсыластарының барлығынан айласын асырып, топ жарды. Ол әр жекпе-жек барысында комбинациялық шабуылдарымен қарсыластарын тықсыртты. Жас та болса тәжірибесі толыса бастаған бүлдіршіннің аяқ алысы баршамызды қуантты. Турнирде Бекасылдың алтын жүлдесінен бөлек үш бірдей күміс жүлде бұйырды. 36 килограмм салмақтағы Ырысжан Әбубәкір, 26 килограмм салмақ дәрежесінде жұдырықтасқан Мейрамбек Молдабек, 30 килограмм салмақ дәрежесінде бақ сынаған Бексұлтан Ізбан дәстүрлі додада екінші тұғырдан көрінді. Аты аталған төрт боксшы да №60 мектептің түлектері екен. Бір оқу ордасында білім алып жатқан жасөспірімдердің болашағы зор екені анық.
Табиғат АБАИЛДАЕВ
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді