Бірде шымшыма сөздің шебері Смаханұлы Шона ағамыз Ақкөл ауылынан Жамбыл қаласына (қазіргі Тараз) қарай жүретін жолаушылар автобусына мініпті. Жолай өзінің небір шымшыма, сықақтарын бірінен соң бірін айтып, жолаушылардың ішек-сілесін қатырыпты. Атын естісе де атақты Шөкеңді шаң басқан автобуспен жүреді деп кім ойлаған. Сондай кейуананың бірі: – Әй, өзің кіп-кішкентай болып алып, қып-қызыл әртіс екенсің, – десе керек. Сонда Шөкең: – Мен сол әртістердің әкесімін! Бала әкесінің айтқанын орындамай ма? Жазушымын, ал әртістер менің жазғанымды сахнада қайталайды. Ендеше, әкесі емей кіммін? – деген екен.

Сәулембай Әбсадықұлы. Қаратау қаласы.