Плей-офф кезеңіне жолдама алған алғашқы команда – Колумбия құрамасы. Ивуарлықтарды 2:1 есебімен жеңген колумбиялықтар қазірдің өзінде топтық кезеңде көш бастап отыр. С тобындағы келесі кездесудің нәтижесі бұл көрсеткішті еш өзгерте алмайды. Ал, А тобындағы талас топтық кезеңнің соңғы ойынына дейін жалғасатын сыңайлы. Осы топтағы Бразилия, Мексика, Хорватия құрамалары арасында ұпай үшін тартыс әлі аяқталған жоқ. В тобында плей-офқа алты ұпайдан жинаған Нидерланды мен Чили футболшылары өтетіні анық. Жалпы, 19-20 маусым күндері өткен кездесулерде уругвайлықтар ағылшындарды 2:1 есебімен жеңсе, Хорватия құрамасы камерундықтарға жауапсыз төрт гол соқты. Жапондар мен гректер арасында өткен матчта есеп ашылған жоқ.

Ардақ Үсейінова,

"Ақ жол".