Бейсенбіден жұмаға қараған түнді футболсүйер қауым ұйқысыз өткізді десек, артық айтқандық емес. Күн санап күткен әлемдік доданың қызықтарынан құр қалмау үшін қолда бар мүмкіндікті пайдаланып, футбол королі Пеленің Отаны – Сан-Паулудағы стадионға арнайы барғандар да, көгілдір экраннан көз алмаған көрермендер де көп. Олар бұл күні әлем чемпионатының жалауы желбіреген сәтке куә болып қана қойған жоқ. Бразилия мен Хорватия құрамасы арасындағы кездесуді, нағыз тартысты бәсекені тамашалады. Мамандардың болжамы дәл келіп, бұл матчта бразилиялықтар басым түсті. Есеп –3:1. Бір айта кететіні, бірінші кездесудегі төрт голды да соққан – Бразилия құрамасының футболшылары. Нақтырақ айтсақ, әлем чемпионатындағы алғашқы автогол тіркелді. Оның авторы – Марсело. Сөйтіп, хорваттардың шабуылшысы Ивица Оличтің айып алаңына шығарған пасын аутқа жіберуге ұмтылған қорғаушы ойынның 11-минутында өз қақпасына гол соғып алды.
Ардақ Үсейінова,
"Ақ жол".
Ұқсас жаңалықтар
Қазақ жігіті Америкада топ жарды
- 11 қыркүйек, 2024
Дүбірлі дүрмек: ел сенімі ақтала ма?
- 8 тамыз, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді