Футболдан Қазақстан премьер-лигасының кезекті туры аясында Шымкентте жергілікті «Ордабасымен» кездескен «Тараз» футбол клубы қарсыластарына ірі есеппен жол берді. Біріншіліктің бірінші айналымында «Таразға» есе жіберген «Ордабасы» футболшылары жеңіске деген құштарлықпен алаңға шыққаны анық. Кездесу бастала салысымен алдыға ентелей ұмтылған олар кездесудің 5-минутында есеп ашты. Еркебұлан Тұңғышбаевтың дәл соққысы «Тараз» қақпасында тулап жатты. Ойынның он үшінші минутында Азат Нұрғалиев есепті еселеді. «Ордабасы» командасының футболшылары екінші кезеңде де өте сауатты ойнай білді. Ал «Тараз» футбол клубының сайыпқырандары қанша ұмтылғанымен тиісті нәтижеге қол жеткізе алмай дал болды. Қорғаныс пен шабуылдағы тепе-теңдікті керемет бақылауда ұстаған шымкенттіктер ақыры ірі есеппен жеңіске жетті. Ойынның аяқталуына 4 минут уақыт қалғанда «Ордабасының» ойыншысы Гогита Гогуа мергендігімен көзге түсіп, ақтық нәтижені тіркеді. Есеп 3:0. Шымкенттік команданың пайдасында.
Табиғат АБАИЛДАЕВ, «Ақ жол».
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді