Қазақстандық әйел-боксшы кәсіпқой рингте алтыншы жекпе-жегін өткізді, - деп хабарлайды Vesti.kz. Мәскеуде өткен бокс кешінде 22 жастағы Фируза Шәріпова ресейлік 30 жастағы Ольга Забавинамен жұдырықтасты. Орта жеңіл салмақта өткен кездесу 10 раундқа созылуы тиіс еді. Бірінші раундта боксшылар бір-бірін аңдып тұрды, алайда Шәріпова соққыларын үдете түсті. Үшінші раундта қазақстандық боксшы қарсыласына бірнеше дәл соққы жасап, нокдаунға түсірді, осыдан кейін кездесудің төрешісі жекпе-жекті тоқтатты.

ақпарат көзі tengrinews.kz