«Альтаис» командасы жеңімпаз
Футболдан Тараз қаласы әкімінің кубогі жолындағы жарыс мәресіне жетті. Доп додасының ақтық сынында «Альтаис» командасы мен «Прокуратура» командасы кездесті. Екі команда арасындағы ойын тартысқа толы жағдайда өтті. Қос мықты ұжым негізгі уақытта бір-бірін ала алмай, 1:1 есебімен тең тарқасты.
Ойын соңынан кейінгі 11 метрлік айып добынан «Альтаис» командасының мерейі үстем болды. Пенальтиден 4:2 есебімен басым түскен олар қала әкімінің кубогіне және қомақты қаржылай сыйлыққа иелік етті. Ойын аяқталғаннан кейін дода барысында үздік шыққан аяқдоп шеберлері марапатталды. «Үздік қақпашы» аталымы «Альтаис» ойыншысы Қайсар Тұрсынбаевқа берілсе, «Үздік қорғаушы» боп «Прокуратура» командасының футболшысы Нұрзат Парманов танылды. Өзге де үздіктер марапаттан тыс қалмай, қаржылай сыйлықтарға ие болды. Осылайша қала әкімі кубогі өз мәресіне жетті.
Табиғат АБАИЛДАЕВ, «Ақ жол».
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді