Қазақстан Республикасы мәслихаттарының 20 жылдық мерекесіне орай, «Тараз – Арена» спорт кешенінде мемлекеттік қызметкерлер арасында спартакиада болып өтті. Тараз қаласы әкімдігі мен қалалық мәслихаттың ұйымдастыруымен өткен спорт додасының ашылу рәсіміне облыс әкімінің бірінші орынбасары Бекболат Орынбеков, облыс әкімінің орынбасары Ғали Есқалиев, облыстық мәслихаттың хатшысы Бағлан Қарашолақов қатысты. Жиын барысында Ғ. Есқалиев құттықтау сөзін сөйлеп, қатысушыларға толағай табыстар тіледі.

Тоғызқұмалақ, қол күресі, волейбол, кіші футбол және жүзуден өткен бәсекеде жалпы командалық есеп бойынша Тараз қаласы әкімдігінің білім бөлімі оза шауып, бірінші орынды иеленді. Талас аудандық мәслихатының аппараты екінші орынға жайғасса, Тараз қаласы әкімдігінің сәулет және қала құрылысы бөлімі үшінші орынды қанағат тұтты.

Назгүл Әбушәріпқызы, «Ақ жол».