Тараз шаһарынан шыққан Фируза Мәскеудегі шайқасқа дайын
- author «Ақ жол»
- 26 ақпан, 2017
- 247
Кәсіпқой бокста жүрген жалғыз қазақстандық боксшы қыз, жамбылдық ару Фируза Шарипова төртінші наурызда Мәскеуде кезекті жекпе-жегін өткізеді. Ол қазіргі кезде кіші Флойд Мейвезердің бокс академиясында жаттығу жұмыстарын жүргізуде. Фируза алдағы жекпе-жегінде ресейлік Юлия Чернобородовамен қолғап түйістіреді. Жеңіл салмақтағы ресейлік спортшы болашағынан үлкен үміт күттіретін боксшылардың бірі көрінеді. Ол туралы Фирузаның менеджері Сергей Завилейский: «22 жасар Юлия болашағы зор боксшы. Ол қазіргі таңда өзінің нағыз спорттық бабына келді деп ойлаймын. Әрі жас, әрі талантты боксшымен рингте шайқасу Фируза үшін әрине оңайға соқпасы анық. Дегенмен, Фирузаның да функционалдық, физикалық тұрғыда кез-келген қарсыласқа дайын екенін ескерсек, алынбайтын асу, бағынбайтын биіктік жоқ екенін түсінеміз. Бұл бір керемет жекпе-жек болғалы тұр», – деп өз ойын білдірді. Тараздан шыққан талантты боксшы Фируза Шарипова әйелдер арасында кәсіпқой бокстан әлем чемпионы атанған алғашқы қазақстандық спортшы болғысы келетінін ұдайы айтып жүр. Ол сондай-ақ, Астана қаласында халықаралық «ЭКСПО – 2017» көрмесінің аясында өтетін бокс кешінде өнер көрсеткісі келетінін де жасырмайды. Біз Фирузаға сәттілік тілейміз.
Табиғат АБАИЛДАЕВ, «Ақ жол».
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді