Жер астынан табылған патшалық ғалымдар үшін тың жаңалық болды. 5 шақырым тереңдіктегі жерасты әлемін алғаш 1991 жылы вьетнамдық шаруа көрген екен. Ол «Phon Nha-Ke Bang» ұлттық саябағында үңгірге кездейсоқ тап болыпты. Алайда, ондағы судың қатты ағынынан қорқып, төменге түспеген екен. Жергілікті тұрғындар бұл үңгірді «SonDoong» деп атайды. Жұмбақ үңгірдің тереңдігі – 5 шақырым, ені 150 метр болады. 2009 жылы Говард Лимберт бастаған британдық ғалымдардың бір тобы осы үңгірге түсіп, тосын жаңалық аштық деп мәлімдеді. Олар үңгірдің ішіне түсу үшін 80 метрлік арқанды пайдаланыпты. Үңгір ішінде ағысы қатты өзен бар екен. Өзеннің жағажайы да бар екен.