Головкинге арнап ұлттық оюы бар спорттық аяқ киім тігілді
Екі дүркін Олимпиада чемпионы, атақты баскетболшы Майкл Джордан мен Nike компаниясының бірлесіп құрған спорттық атрибутика өндірумен айналысатын Jordan Brand компаниясы қазақстандық боксшы Геннадий Головкинге арнап, қазақтың ұлттық оюы бар аяқ киім шығарып берді деп, хабарлайды BAQ.kz тілшісі ВКонтакте» желісіндегі «Геннадий GGG Головкин» тобына сілтеме жасап.
Геннадий Головкин Jordan Brand компаниясымен сәуір айында келісімшарт жасасқан еді. Бұған дейін кәсіпқой боксшылардан Андре Уорд пен Рой Джонс осы компанияның бренд өнімдерін таныстырумен айналысқан. Енді, міне, бұл қатарға жерлесімізде қосылып отыр. Аяқ киімге қазақтың ою-өрнегі түсіріліп, GGG белгісі жазылды. Айта кетейік, Геннадий Головкин 10 қыркүйек күні IBF тұжырымы бойы әлем чемпионы атағын қорғап қалу үшін ағылшын боксшысы Келл Брукпен кездеседі. Бұл кездесу Лондон қаласында өтеді.
