20 тамыздан бастап ұлттық құраманы жасақтау, алдағы чемпионатқа дайындалу жұмыстары қызу жүріп жатыр. Әзірге қатысуға ниет білдіріп отырған елдердің саны отыздан асты. Қыркүйек айының 15-не дейін жалғасатын қатысушылар өтінішін тіркеу бұл санның да алдағы уақытта өзгеретіні анық дейді. Ұйымдастырушылармен кездесу өткізген Бердібек Сапарбаев чемпионатты жоғары деңгейде өткізуді тапсырды.

- Бұл өңірдегі спортты дамытуға және ілгерілетуге ықпал ететін маңызды шара. Сондықтан біз чемпионаттың жоғары деңгейде өтуі үшін бар күшімізді салуымыз қажет,-деді өңір басшысы.

Сонымен қатар, Бердібек Сапарбаев әлемнің түкпір-түкпірінен чемпионатқа келетін қонақтар мен спортшыларға қазақ ұлттының ұлттық ерекшеліктерін таныстыру керектігін тапсырды.

Ақпарат көзі: Baq.kz