Қоржынымызда бір алтын, бір күміс
Боксшыларымыз Сербиядан екі жүлдемен оралды
Сербияның Субботица қаласында бокстан жастар арасындағы дәстүрлі «Golden Glove of Vojvodina» халықаралық турнирі өткізілді. Бірнеше күнге созылған бәсі басым додаға әлемнің 12 елінен спортшылар қатысып, өзара шын мықтыны айқындады.
Жүзге жуық саңлақ сынға түскен байрақты бәсекеде Қазақстанның, оның ішінде Жамбыл облысының саңлақтары да жасындай жарқырап, жүлдегерлердің қатарынан көріне білді. Атап айтсақ, 91 келі салмақ дәрежесінде топқа түскен Мұхамеджан Тайбағар айтулы аламанда техникалық тұрғыдан өзінің мықты боксшы екенін байқатып, қарсыластарының бәрінен басым түсіп, турнир жеңімпазы атанды. Сондай-ақ, 75 келі салмақ дәрежесінде додада сынға түскен Аман Қазанғапов та жақсы өнерімен жанкүйерлерді тәнті етті. Ақтық сынға дейін алқынбай шыққан Қазанғапов тек финалда ғана қарсыласына есе жіберіп, күміс жүлдені қанжығасына байлады.
Дәстүрлі түрде өткізілетін бұл турнир жастар арасында өте танымал деуге болады. Осы додада қазақ боксшылары жыл сайын мықтылықтарын дәлелдеп жүргені қуантады. Байрақты бәсекеден бағы жанған қос оғланның алар асуы әлі алда екені анық.
Ұқсас жаңалықтар
Ауқымды реформалар – алға басудың алғышарты
- 27 маусым, 2024
Адами борыш, азаматтық міндет
- 17 маусым, 2024
Ақпарат
Президент эстрада әншісін «Барыс» орденімен марапаттады
- 22 шілде, 2024
Таразда тіркелген қылмыс саны 29 пайызға төмендеген
- 18 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді