XXXI жазғы Олимпиада ойындарының салтанатты ашылуын «Хабар» арнасы тікелей эфирде көрсетеді.

 «Бразилияның Рио-де Жанейро қаласында өтетін XXXI жазғы Олимпиада ойындарының салтанатты ашылуын «Хабар» арнасы 5 тамыздан 6 тамызға қараған түні тікелей эфирден көрсетеді. Басталуы – Астана уақыты бойынша 04.55. Қазақстандықтарға ыңғайлы болуы үшін таңертең сағат 10:00-де қайталап көрсететін боламыз. Ашылу салтанатын елімізге танымал спорт комментаторлары – Ермұхамед Мәулен мен Дмитрий Мостовой жүргізеді», – дейді «Хабар арнасының бас директоры Ринат Кертаев.