Таразда өрт кезінде екі қызды қатты өрт шалған, - деп хабарлайдыTengrinews.kz тілшісі Жамбыл облыстық ТЖД-нің баспасөз қызметіне сілтеме жасап. Оқиға 26 шілдеде сағат таңғы 05.07-де Тараз қаласының Жамбыл даңғылының бойында болған. "Автовокзал маңында орналасқан "Фастфуд" жылдам әзірлеу контейнерінде газ балонының ақауынан газды әуе қоспасы тұтанып, артынша өртке ұласқан", - дейді Төтенше жағдайлар департаментіндегілер. Өрт сөндіру қызметі өрттің жайылуын 05.15-те тоқтатып, 05.23-те оны толығымен сөндірді. Өрттің шығу себебі мен салдары анықталуда. Өрт салдарынан 26 жастағы және 18 жастағы екі қыздың 90 пайыз денесі күйіп қалған, олар ауруханаға жеткізілді. Өрт сөндіруге жеке құрамның 11 адамы және үш арнайы техника жұмылдырылған.

Ақпарат көзі:  Kaz.tengrinews.kz