Әлемдегі ең алып бала Индонезияда тұрады. Он жасар балғынның салмағы қазірдің өзінде 192 килограмға жеткен. Күн санап салмағы артқан Арья Пермананы дәрігерлер диетаға отырғызуға мәжбүр.  Енді ол тек күріштен әзірленген тағамды жейтін болады. Арья Пермана осыған дейін күніне бес рет тамақтанған. Баланың тәбетінің күштілігі сондай, ол тамақтанғанда екі ересек ер адам тұтынатын тағамды жейді екен. Артық салмағы еркін қозғалуға мүмкіндік бермейтіндіктен, ол бүгінде мектептегі сабағын тоқтатуға мәжбүр болған. Күн өткен сайын баланың тыныс алуы қиындаған. Тез шаршап қалады екен. Анасы Рокхай артық салмақтың ақыры өлімге әкелуі мүмкін екенін ескеріп, баласын диетаға отырғызуға шешім қабылдапты.