Енді 15 күннен кейін Бразилияның Рио-де-Жанейро қаласында ХХХІ жазғы Олимпиада ойындарының алауы тұтанады. Қазақ елінің намысын қорғайтын спортшылардың арасында жанкүйерлер боксшыларға ерекше үміт артатыны жасырын емес. Бүгінгі таңда Мырзағали Айтжанов жаттықтыратын ұлттық құрама жігіттері белгілі кәсіпқой боксшы Қанат Ислам Америкадан алдыртқан жеті боксшымен Астанада спарринг өткізіп, соңғы жаттығуларын пысықтап жатыр. «ҚазАқпарат» тілшісі осы жаттығуды өз көзімен көріп қайтқан болатын. Эксклюзивті суреттер мен бейнематериалдарды оқырман назарына ұсынамыз.