Қызылордада волейболдан отырып ойнаудан ел біріншілігінің 2-ші туры бастау алды. Жарыс қожайындарынан бөлек, Атырау, Ақтөбе, Маңғыстау, Батыс Қазақстан, Қостанай, Қарағанды және Оңтүстік Қазақстан облыстарынан келген 9 команда шеберлік байқасып жатыр. Ойындар 3 кезеңге бөлінген. Ұйымдастырушылардың айтуынша, басты мақсат мүмкіндігі шектеулі жандарға көңіл бөліп, үлкен спортқа тарту болып саналады. Ғазиз Дұламетов, бас төреші: - Осы турда жақсы ойнап шыққан спортшылар Қазақстан құрама командасына ілігеді. Сол Қазақстан құрамасының спортшылары сыртқа шетелге жарысқа шығады. Солай Қазақстан намысын қорғайды. Ербол Тұрлыбаев,қатысушы /ОҚО/: - 7 ай болды ойнап жүргеніме. Содан бері денсаулығым жақсы. Үйде отырып қалған едік. Біраз жерлерді көрдік, достарымыз көбейді.

Ақпарат көзі:  www.24.kz