Виталий Владимирович Кличко Киев қаласының мэрі болып сайланды. Ол кезінде әуесқой және кәсіпқой боксшы болып, әуесқой бокстан Украинаның үш дүркін, ал WBC, WBO тұжырымдары бойынша кәсіпқой бокстан әлемнің бірнеше дүркін чемпионы болған. Бүгінде «Соққы» («Удар») партиясының көшбасшысы ретінде танымал. Сол Виталий Кличко Киев қаласының мэрі сайлауында сайлаушылардың 57 пайыз даусын жинаса, оның негізгі саяси бәсекелесі Жоғарғы рада депутаты Леся Оробец 10,3%, ал Киев қалалық мемлекеттік әкімшіліктің басшысы Владимир Бондаренко 8,2% дауысқа ие болды.