Нью-Йорк қаласының Сиракуз өнер университетінде жұмыс істейтін Сэм Ван Акен деген оқытушы көшеттердің бұтақтарын бір-біріне байлап, будандас­тырып, 40 жеміс шығатын ағаш өсіріп шықты. Алғашқы кезде бұтақтар гүлдеп жеміс берді. Содан кейін оған телінген түрлі жеміс бұтақтары көбейіп, олардың саны 40-қа жетті. Қазір оның өсірген ағашында өрік, шабдалы, алхоры, шие, бадам, алма және алмұрт жемістерінің бірнеше түрі өсіп тұр. Әр мәуенің пісетін мезгілі әртүрлі екен. Сондықтан ағаш жыл бойы жеміс береді. Ол жеміс өсетін ағашты алғаш рет 2008 жылы өсіріп шығарды. Содан бері көп жеміс беретін 16 гибрид ағаш будандастырылды.

Ақпарат көзі: «Егемен Қазақстан» газеті