Қазақстан Жазғы Олимпиада ойындарын өткізуге ұмтылып отыр. Бұл туралы Астана экономикалық форумы аясында ҚР Спорт және дене шынықтыру істері агенттігінің төрағасы Тастанбек Есентаев мәлімдеді. «Қолымыздан келгенін жасаймыз, біз Жазғы олимпиаданы өткізуге ұмтыла беруіміз керек. Мемлекет басшысы бізге 30 үздік мемлекеттің қатарына кіру міндетін жүктеді. Егер спорт жайлы айтар болсақ, бұл межеге жеттік: қысқы спорт түрлері бойынша Олимпиада ойындарының нәтижесінде 25-орындамыз, ал Жазғы Олимпиада ойындарында 12-орынды иелендік. Алайда, біз мұнымен шектелмей, нәтижені одан әрі жақсарта түсеміз. Ал, Қысқы Олимпиада ойындарын бір рет өткізіп алсақ, бұл ел спортының әрі қарай ілгерілеуіне серпін берер еді», - дейді Агенттік төрағасы.

Ақпарат көзі: www.bnews.kz