Қазақтың хас батыры, даңқты қолбасшы Бауыржан Момышұлы атындағы дәстүрлі былғары қолғап шеберлерінің бәсекесіне қатысушылар саны жылдан-жылға арта түсуде. Биылғы додаға барлық облыстан және Қырғызстан мен Өзбекстаннан үш жүздей спортшының келуі мұның нақты айғағындай. Негізінен, бұл турнир халықаралық деңгейде ұйымдастырылатындықтан, қай-қай өңірдің де балғын боксшысының біржағынан шеберлігін шыңдауына себі тиер деп, бағын сынап көруге қызығушылық танытатыны анық. Мұндай жарыс тәжірибе жинақтау үшін де өте қажет. Балалар мен жасөспірімдерге арналған №6 облыстық мамандандырылған бокс мектебінің базасында өткен жарыстың ашылу салтанатына Олимпиада чемпиондары Ермахан Ыбырайымов пен Бақтияр Артаев, кәсіпқой бокстан әлем чемпионы Марат Мәзімбаев бастаған облыста осы саланың дамуына айрықша еңбек сіңірген спорт майталмандары қатысты. Айтулы азаматтардың бәсі жоғары бәсекені арнайы келіп тамашалауы жамбылдық жеткіншектерге де дем беріп, олардың жеңіске деген құштарлықтарын арттыра түскендей. Турнирдің қорытындысында он жеті салмақ дәрежесі бойынша боксшыларымыз 9 алтын, 8 күміс, 10 қола медаль еншілеп, жалпыкомандалық есепте топ бастады. Қырғыз елінен келген Р. Мұратов «Жеңіске деген жігерлілігі үшін» аталымы бойынша жүлде иемденсе, тараздық Қ. Сапарбай «Үздік боксшы» атанды.

Қазақтың хас батыры, даңқты қолбасшы Бауыржан Момышұлы атындағы дәстүрлі былғары қолғап шеберлерінің бәсекесіне қатысушылар саны жылдан-жылға арта түсуде. Биылғы додаға барлық облыстан және Қырғызстан мен Өзбекстаннан үш жүздей спортшының келуі мұның нақты айғағындай. Негізінен, бұл турнир халықаралық деңгейде ұйымдастырылатындықтан, қай-қай өңірдің де балғын боксшысының біржағынан шеберлігін шыңдауына себі тиер деп, бағын сынап көруге қызығушылық танытатыны анық. Мұндай жарыс тәжірибе жинақтау үшін де өте қажет. Балалар мен жасөспірімдерге арналған №6 облыстық мамандандырылған бокс мектебінің базасында өткен жарыстың ашылу салтанатына Олимпиада чемпиондары Ермахан Ыбырайымов пен Бақтияр Артаев, кәсіпқой бокстан әлем чемпионы Марат Мәзімбаев бастаған облыста осы саланың дамуына айрықша еңбек сіңірген спорт майталмандары қатысты. Айтулы азаматтардың бәсі жоғары бәсекені арнайы келіп тамашалауы жамбылдық жеткіншектерге де дем беріп, олардың жеңіске деген құштарлықтарын арттыра түскендей. Турнирдің қорытындысында он жеті салмақ дәрежесі бойынша боксшыларымыз 9 алтын, 8 күміс, 10 қола медаль еншілеп, жалпыкомандалық есепте топ бастады. Қырғыз елінен келген Р. Мұратов «Жеңіске деген жігерлілігі үшін» аталымы бойынша жүлде иемденсе, тараздық Қ. Сапарбай «Үздік боксшы» атанды.

Әшірәлі КЕНЖЕҒАРА, облыстық олимпиада жеткіншектерін даярлау орталығының қызметкері.