Ел Тәуелсіздігінің 25 жылдық мерейтойы аясында №13 темір жол колледжінде бокстан жасөспірімдер арасында облыстың ашық турнирі өтті. Додаға Тараз қаласындағы спорт мектептерінен, аудандардан, Қырғыз Республикасынан ұзын саны 150-ге жуық балғын былғары қолғап шеберлері қатысты. Олар додада 19 салмақ дәрежесі бойынша сынға түсті. Ашық біріншіліктің ашылу салтанатында Нұржан Нұралиев, облыс әкімдігі білім басқармасы ғылыми-тәжірибелік дене шынықтыру орталығының директоры Бекбол Қайыпчаев, турнирдің бас төрешісі, ҚР еңбек сіңірген жаттықтырушысы Әмірхан Төлен аламанға қатысушыларға сәттілік тіледі. Үш күнге созылған доданың командалық сынында №13 темір жол колледжінің түлектері топ жарса, жүлделі екінші орынды облыстық бокс мектебінің балғындары иеленді. Үздік үштікті №3 облыстық мамандан­ды­рылған олимпиада жеткін­шек­терін даярлайтын бала­лар мен мен жасөспірімдер спорт мектебінің түлектері қорытындылады. Аталмыш темір жол колледжінің түлегі Бекзат Абдулла мен Қ.Сарымолдаев атындағы балалар үйінің тәрбиеленушісі Бекболат Серікбайұлы турнир үздігі деп танылды Жанар Әбсадық, ТарМУ-дың студенті.