20 жастағы қазақ теннисшісі  Зарина Дияс (әлемдік рейтингте 96 орында) Страсбургте өтіп жатқан Tennis Internationaux de Strasbourg  турнирінің ширек финалына шықты. Зарина Дияс екінші айналымда 21 жастағы хорват  Айли Томляновичтан (әлемнің 71 ракеткасы) басым түсті. Бұл матч екі сетке созылып, қазақ теннисшісі 6:4, 7:6 есебімен жеңіске жетті. Зарина Дияс ширек финалда америкалық Кристина МакХэйлмен (59 ракетка) кездеседі. МакХэйл өз кезегінде австралиялық Кейси Деллакуаны (48) жеңген еді — 6:3, 7:5. Естеріңізге сала кетейік, Зарина бірінші айналымда әлемнің 22-ракеткасы 28 жасар бельгиялық Кристен Флипкенсті 2 сағат 2 минутқа созылған тартысты кездесуде 6:2, 6:7, 6:3 есебімен ұтқан еді.

Ақпарат көзі: www.alaman.kz