2011 жылдан бері Қазақстанның көлік, сауда және энергетика саласына 7 млрд долларға жуық қаржы инвестиция салынды. Бұл туралы бүгін VII Астана экономикалық форумы аясында ҚР экономика және бюджеттік жоспарлау вице-министрі Т.Жақсылықов айтты. «Қазақстан Қытай Халық Республикасымен, Қырғызстан Республикасымен, Ресей Федерациясымен, Түркіменстан және Өзбекстанмен шекаралас жатыр. Қазақстан 1997 жылдан бастап Орталық Азия аймақтық экономикалық ынтымақтастығы бағдарламасына қатысып келеді. ОААЭЫ елдері аймақтық көліктік инфрақұрылымын жақсарту және сауда ісін жүргізудегі кедергілерді жою бағытында жұмыс жасауда. 2011 жылдан бастап көлік, сауда және энергетика секторына 6,69 млрд доллар инвестиция салынды», - деді Тимур Жақсылықов. Оның сөзіне қарағанда, қазір біздің еліміз ОААЭЫ 15 жобасын жүзеге асыруда.

Ақпарат көзі: www.bnews.kz