Бір жеңіс, бір тең нәтиже
Жолдастық кездесулерде қазақ футболшылары жасындай жарқырады
Футболдан Қазақстан ұлттық құрама командасы бас бапкердің міндетін атқарушы Талғат Байсуфиновтың жетекшілігімен екі бірдей жолдастық кездесу өткізді. Бұл ойындарда ұлттық құрамаға қазақ футболшылары көбірек тартылды. Алдымен Әзірбайжан елімен өткен кездесуде алаш жұртшылығының үмітін ақтаған футбол шеберлері 1:0 есебімен басым түсті.
Орталық алаңда өрбіген кездесудің сегізінші минутында Мақсат Байжановтың әуедегі допты баспен қақпаға тура бағыттап әбжілдік танытқаны абырой болды. Байжанов соққан гол ұлттық құрамаға жеңіс сыйлады. Бұдан соң Грузия еліне аттанған қазақстандық футболшылар «Қайраттың» бұрынғы бапкері Владимир Вайсс баптайтын грузиялықтармен тең түсті. Алдымен ойынның 35-минутында Серікжан Мұжықовтан пас алған Азат Нұрғалиев есеп ашып, жанкүйерлерді бір желпінтіп тастаса, арада екі минут өткен соң Торнике Окриашвили таразы басын теңестірді. Нәтиже ойын соңына дейін өзгеріссіз қалды. Бізді қуантқаны – қазақ жігіттерінің екі кездесуде де гол соққаны.
Табиғат Абаилдаев, «Ақ жол».
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді