Жоғары дивизионнан шығып қалды

Қазақ құрамасы жоғары дивизионмен қош айтысты. Минскіде өтіп жатқан Әлем чемпионатында алтыншы кездесуде Швейцария құрамасынан ұтылды. Топтық кезеңде хоккейшілеріміз бар-жоғы екі-ақ ұпай еншілеген болатын. Бір ұпайды алғашқы ойында алса, екіншісін АҚШ командасына қарсы ойында олжалады. Олар негізгі матчты тең өткізгенмен, овертаймда АҚШ құрамасына есе жіберіп алды.

Кеше Қазақстан ұлттық құрамасы топтық кезеңіндегі соңғы ойынын өткізді. Ари-Пекка Селин шәкірттерінің қарсыласы – Финляндия құрамасы. Алты ойында сегіз ұпай жинаған Финляндия бесінші сатыда тұр. Ал, қазақстандық хоккейшілер қатарынан алты ойында жеңіске жете алмай, жоғары дивизионнан шығып қалып, екі ұпаймен «В» тобында соңында қалды.