Мароккодағы самбодан әлем чемпионаты қазақстандықтар үшін сәтті өтуде
Самбодан Мароккода өтіп жатқан әлем чемпионатында 68 келіге дейінгі салмақта өнер көрсеткен қазақстандық Арман Оспанов алтыннан алқа тақты. Бұл жеңісі арқылы Арман Оспанов самбодан үш дүркін әлем чемпионы атағына қол жеткізді. Ол финалдық кезеңде ресейлік қарсыласы Рашад Мурадовты тізерлеткен болатын. Айта кетейік, Оспанов әлем чемпионатында осымен үшінші мәрте қатарынан бұл салмақта топ жарып отыр. Сондай-ақ, аталмыш әлем чемпионатында қазақстандық Алмас Сүлейменов те өз салмағының үздігі атанды. 20 келіге дейінгі салмақта сынға түскен Сүлейменов финалдық кездесуде ресейлік қарсыласы Амыр Бакрасовтан айласын асырып, алтын алқаны иеленді. Осылайша, Қазақстан командалық есепте Болгария мен Ресейден кейінгі үшінші сатыда келеді. Қоржында – екі алтын медаль.
Жанғазы АХМЕТ, «Ақ жол».
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді