![Білекті бірді жығар десек те...](https://aqjolgazet.kz/uploads/resized-images/2015/10/186ceb9f4ab288653ef7b8ce70792c93.jpg)
Армрестлингтен Малайзия төрінде өткен әлем чемпионатынан жамбылдық спортшылар бес алтын жүлдемен оралды
Жалпы алғанда, еліміз бойынша армрестлинг спорты Жамбыл облысында қарқынды түрде дамығаны белгілі. Жуан білекті ұл-қыздарымыз қандай бәсі биік сынға қатысса да, қатарынан оза шауып, бәйге алып жатады. Таяуда Малайзия астанасы Куала-Лумпурде өткен әлем чемпионатында соған тағы да көзіміз жете түсті. Байрақты бәсекеде ел намысын абыроймен қорғаған жамбылдық шеберлер 5 алтын, 4 күміс және бірнеше қола медальді қоржынға салып, мерейімізді асырды. Атап айтсақ, 60 келі салмақ дәрежесіндегі спортшымыз Екатерина Ляхова, 50 келідегі Әйгерім Караманова, 65 келідегі Екатерина Тарасенько, +100 келідегі Антонина Лисянская, 70 келідегі Заир Ахмедов секілді саңлақтарымыз қарсылас шақ келтірмей алтын медальді мойындарына ілді. Жамбылдық өрендердің жүлдеге таласы мұнымен толастаған жоқ. Өз салмақ дәрежелерінде жүлдегерлер қатарын толықтырған Лаура Каримбаева мен Татьяна Верина, Владимир Матченко, Аида Кулматовалар күміс медальмен күптелсе, Талғат Айдос пен Динара Нарик үшінші орын тұғырынан көрінді. Иә, Малайзия жерінде өткен әлемдік сында жамбылдық армрестлинг шеберлері жүлдені күреп алды. Жерлестеріміздің ауыз толтырып айтарлықтай жеңістері алдағы уақытта да жемісті нәтижемен жалғасары анық.
Табиғат Абаилдаев, «Ақ жол».
Ұқсас жаңалықтар
«Тараз»: талап бар, талпыныс жоқ
- 30 шілде, 2024
Аймаққа 156 мыңнан астам турист келген
- 25 шілде, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді