![Данияр олимпиада жолдамасын иеленді](https://aqjolgazet.kz/uploads/resized-images/2015/10/website_2-1354x855.jpg)
Қазақстандық боксшы енді 2 дүркін әлем чемпионы атануды көздейді
Бокстан Катар астанасы Дохада өтіп жатқан әлем чемпионатында қазақстандық қос боксшы 69 келі салмақ дәрежесіндегі Данияр Елеусінов пен аса ауыр салмақтағы Иван Дычко әлем чемпионатының ақтық сынына шықты. Жартылай финалда әзірбайжандық былғары қолғап шебері Парвиз Багировтың аптығын басқан құрама капитаны Данияр Елеусінов әлем біріншілігінің финалына шыққаннан бөлек, келесі жылы Бразилияда өтетін Олимпиада ойындарына жолдаманы жеңіп алды. Енді қазақ боксшысы мұнымен тоқтап қалмай, екі дүркін әлем чемпионы атануды мақсат етіп отыр. Әлем чемпионатының жартылай финалында аса ауыр салмақтағы үмітіміз Иван Дычко өзбекстандық Баходир Жалоловтың жолын кесті. Алыптар айқасында бабы келіп, бағы жанған Иван әлем чемпионы атанған жағдайда ғана Олимпиада жолдамасын қалтасына салады. Бір сөзбен айтқанда, Ваня үшін алда жан алысып, жан берісетін жекпе-жек тұр. Естеріңізге сала кетейік, бұған дейін AIBA PRO BOXING жобасы арқылы 49 келідегі Біржан Жақып пен 60 келідегі Берік Әбдрахманов Олимпиада жолдамасын иеленген болса, Бүкіләлемдік бокс сериясында бақ сынаған Василий Левитте де жолдама бар. Біз қазақ боксшыларына сәттілік тілейміз!
Табиғат Абаилдаев, «Ақ жол».
Ұқсас жаңалықтар
«Тараз»: талап бар, талпыныс жоқ
- 30 шілде, 2024
Аймаққа 156 мыңнан астам турист келген
- 25 шілде, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді