Жамбыл облысында бөлтіріктерді азаптап өлтірген күдіктілер ұсталды
- author «Ақ жол»
- 2 қазан, 2015
- 208
Биыл тамыз айында әлеуметтік желілерде қасқыр бөлтіріктерін азаптап өлтірген бейнеролик жарияланып, ол қоғамның ашуын туғызған болатын. Мұнан кейін тәртіп сақшылары бұл факт бойынша іс қозғап, бүгінде күдіктілерді қолға түсіріп отыр.
Белгілі болғандай, оқиға Жамбыл облысы Мойынқұм ауданында орын алған. Жедел іздестіру шаралары барысында аудандық ішкі істер басқармасы 19 және 21 жас аралығындағы күдіктілерді қолға түсірді. Олар өз кінәларын мойындап отыр.
Аталған тұлғалардың іс-әрекеттеріне қатысты ҚР ҚК-нің 316-бабының 2-бөлігі – Жануарларға қатыгездiк жасау дерегі бойынша қылмыстық іс қозғалды. Күдікті тұлғалардың кінәсі толық дәлелденген жағдайда, оларға 500 айлық есептiк көрсеткiшке дейiнгi мөлшерде айыппұл салуға, не сол мөлшерде түзеу жұмыстарына, сондай-ақ үш жүз сағатқа дейінгі мерзімге қоғамдық жұмыстарға тартуға, не болмаса тоқсан тәулікке дейінгі мерзімге қамауға алуға жаза тағайындалуы мүмкін.
Қазіргі таңда осы дерек бойынша тергеп-тексеру амалдары жүргізіліп, сот қарауына жолданды.
Ұқсас жаңалықтар
Ауқымды реформалар – алға басудың алғышарты
- 27 маусым, 2024
Адами борыш, азаматтық міндет
- 17 маусым, 2024
Ақпарат
Президент эстрада әншісін «Барыс» орденімен марапаттады
- 22 шілде, 2024
Таразда тіркелген қылмыс саны 29 пайызға төмендеген
- 18 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді