WSB жарысының былтырғы жеңімпазы «Астана арландары» биылғы маусымда ақтық сынға бір табан жақын қалғанда сүрініп, финалға шыға алмады.

Астанада өткен алғашқы матчта «арландар» 3:2 есебімен жеңіске жеткен. Ал, Бакудегі кездесуде  «Baku Fires» командасы 4:1 есебімен басым түсті.

Ілияс Сүлейменов (52 кг)  Элвин Мамишзададан — 0:3 (47:48, 47:48, 47:48), Самат Башенов (60 кг) техникалық нокауд алып, Альберт Селимовтен, Манат Өмірзақов (69 кг) Евгений Рамашкевичтан — 0:3 (46:49, 46:49, 46:49) ұтылды.

Үш кездесуде қатар ұтылған «арландықтардың» үмітін Хрвое Сеп (81 кг) қайта жақты. Ол Михаил Долголевцтен басым түсті — 2:1 (49:45, 48:46, 46:48).

Соңғы шешуші кездесуде Филипп Хргович (+91 кг) жеңіске жеткендей көрінген. Бірақ төрешілер Хаджи Муртузалиев ұтты деген шешім шығарды. Есеп  1:2. Енді ақтық сында Баку командасы Куба құрамасымен кездеседі.

Ақпарат көзі: www.alaman.kz