Жамбыл облысының әкімі дзюдодан қазақтан шыққан тұңғыш әлем чемпионына пәтер сыйлады

- Advertisement -

Жамбыл облысының әкімі Кәрім Көкірекбаев дзюдодан қазақтан шыққан тұңғыш әлем чемпионы Елдос Сметовты қабылдап, үш бөлмелі пәтер кілтін сыйлады.

Жапон күресінің қыр-сырын жетік меңгерген Елдос жақында ғана Астана төрінде дзюдодан өткен әлем чемпионатында 60 кило салмақ дәрежесінде бақ сынап, алтын медальға ие болған.Сондай-ақ аймақ басшысы Елдостың алғашқы бапкері Ахмет Жұмағұл мен қазіргі бапкері Ғалымжан Жылкелдиевке 1 200 000 теңгенің сертификатын табыс етті.

“Ендігі арманым – Олимпиада биігін бағындыру. Сол мақсатқа жету жолында жаттығу залында талмай тер төгемін”, – дейді Елдос Сметов.