WBA (Super), IBO және WBC (Interim) тұжырымдары бойынша орта салмақта әлем чемпионы Геннадий Головкин IBF тұжырымы бойынша орта салмақта әлем чемпионы Давид Лемьеге қарсы 17 қазанда шығады, - деп хабарлайды Tengrinews.kz тілшісі.

Бұл туралы Twitter желісінде Головкиннің өзі хабарлап отыр. Батыстың ақпарат құралдары "мега- және ұлы жекпе-жек" деп отырған кездесу Нью-Йорктегі Madison Square Garden спорт кешенінде өтеді, оны HBO телеарнасы таратады.

Геннадий Головкин - Давид Лемье кездесуінің афишасы

Жеңіліп көрмеген Геннадий Головкин 33 рет жеңіске қол жеткізді, оның 30-ы нокаутпен аяқталды, ал Давид Лемьенің қоржынында 34 жеңіс, оның ішінде 31-і нокаутпен және екі жеңілісі бар.

ақпарат көзі tengrinews.kz