АҚТАУ. 20 шілде. Ақтау тұрғыны сатып алған алмадан «Алла» жазуы табылды. Бұл туралы egemen.kz тілшісі хабарлады. Қасиетті рамазан айы кезінде Ақтау қаласындағы дүкендердің бірінен 2 кг. шамасында алма сатып алған тұрғын, үйіне келген соң олардың арасынан 4 алмада арабша жазу барын байқайды. Дін мамандарының көмегі қажет екендігін ұққан ол бірден Маңғыстау облыстық Бекет ата мешітінің бас имамы Смайыл Сейітбековке келеді. Бас имам арабша жазудың «Алла» деп жазылғандығын және бұл арқылы Алла адамзатқа өзінің бар екендігін ұғындырып, бәле-жаладан тыйылуға шақырады деп түсіндірді. Жалпы, Ақтауда өткен жылы да жеміс-жидектерден осындай жазулар кездескен болатын. Гүлайым Шынтемірқызы.