Бүкіләлемдік бокс сериясының ақтық сыны Астана қаласында өтетін болып бекітілді. Финалда Мексика боксшыларын 10:0 есебімен ойсырата жеңген «Куба қабыландары» мен «Рашн боксинг тим» ұжымын 9:1 есебімен тас-талқан еткен «Астана арландары» клубы кездеседі. 20-21 маусым күндері жоспарланған кездесуге мамандар әртүрлі болжамдар жасап жатыр. Кейбір бокс білгірлері «Астана арландары» қосымша кездесуде жеңісті жұлып алады деп, 6:5 есебін тіркеп отырса, енді бір мамандар алғашқы үш салмақта «Астана арландары» озық шығады деп 6:4 есебін қолай көруде. Неде болса ақтық сынға үшінші рет шығып отырған «Астана арландары» екі дүркін серия жеңімпазы атануды көздейді. Өткен жылғы додада қарсыластарынан оқ бойы озық шыққан «Куба қабыландарының» да мақсаты сол. Неде болса жиырма күннен кейін болатын алыптар шайқасының кездесуі тартысқа толы болары даусыз. «Арландарға» сәттілік серік болсын дейміз.
Табиғат АБАИЛДАЕВ, «Ақ жол».
Ұқсас жаңалықтар
Әулиеаталықтар айтулы аламанда атой салды
- 16 қыркүйек, 2024
Қазақ жігіті Америкада топ жарды
- 11 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді