Түркия елінде оқу-жаттығу жиынын өткізіп жатқан «Тараз» футбол клубы екі бірдей жолдастық кездесу өткізіп үлгерді

Алдымен Польшаның «Бельхатув» командасымен кездескен жамбылдық футболшылар қарсылас команданың қақпасы­нан үш мәрте саңылау тапса, өз қақпаларына да үш гол жіберіп алды. Жерлестеріміздің сапынан Тимур Досмағанбетов, Деслей Убиинктер мерген­дігімен танылғанын да айта кету керек. Соңғысы дубль жасады. Бұдан кейін Тараз футбол клубы Арменияның «Уиллис» командасымен кездесті. Бұл ойында да қос қарсылас тең нәтижеге бас шұлғып тарқасты. Осы жолы біздің команда сапынан Тимур Досмағамбетов пен Қараман Құрмет бір-бір голдың авторлары атанды. «Тараз» ойыншылары оқу-жаттығу жиынын әрмен қарай сабақтап жатыр. Бұл премьер-лигаға дайындық жұмыстары екені белгілі. Бәлкім, осы сапар барысында команда құрамы жаңа ойыншылармен толығып қалуы ықтимал.

Табиғат АБАИЛДАЕВ, «Ақ жол».