Мәселен, жамбылдық жолшылар осы жылдың ақпан тұрақты түрде іссапарға шығып, бірқатар нысандарға инспекциялық тексеру жұмыстарын жүргізген. Нәтижесінде, республикалық нысандардағы жол-құрылыс материалдарының 20-дан астам данасынан үлгі алынып, сынамадан өткізіліпті.

Айталық, есепті кезеңде филиал мамандары 37 рет іссапарға шықса, бұл уақытта 25 сынама алынған. Жалпы, тексеру барысында 38 құқықбұзушылық анықталыпты. Қазіргі таңда олардың 30-жойылса, 8-і жойылмаған. Сонымен қатар осы айда 4 жобаға өтінім қабылданып, 6 нысанға верификация жүргізілген. Ал 2 жобаға оң қорытынды берілген.

– Біздің қызметіміздің мақсаты – жолдарды салу, қайта құру, жөндеу және күтіп-ұстау, сондай-ақ жол активтерін басқару саласындағы жұмыстар мен материалдардың сапасын сараптау. Егер бұрын аймақтық зертханалар республикалық жолдардың сапасын тексеріп, оның кемшіліктерімен күрессе, қазір құрылған орталық барлық жалпыға ортақ жолдарды, соның ішінде жергілікті жолдарды тұтас қамтиды, – дейді облыстық филиалдың сапа және есеп бөлімінің басшысы Мадияр Айбынұлы.