Жарыс барысында қыздарымыз ұйымшылдық пен шеберліктің жоғары деңгейін көрсетті. Әр ойында намысты қолдан бермей, табандылық танытып, қарсыластарымен тең дәрежеде бақ сынады. Команданы жарысқа дайындаған жаттықтырушы Руслан Байгелді шәкірттеріне кәсіби бағыт-бағдар беріп, жеңіске жетелеуде үлкен еңбек сіңірді.

Туған жерге оралған жеңімпаздарды мектеп ұжымы ерекше қуанышпен қарсы алды. Мектеп басшысы Гүлшат Телеуова бастаған ұстаздар мен оқушылар спортшы қыздарды гүл шоқтарымен және арнайы сыйлықтармен күтіп алып, құрмет көрсетті. Бұл – жас спортшыларға деген қолдау мен сенімнің айқын белгісі.

Айгерім АТАНТАЕВА,
Байгелді Кейкиев атындағы орта мектебінің
қазақ тілі мен әдебиеті пәнінің мұғалімі.
Жамбыл ауданы