Ауласында қарасора өсірген қостанайлық тұрғын ұсталды
- author «Ақ жол»
- 25 шілде, 2025
- 1.1k
Қостанай облысында жүргізілген жедел-іздестіру іс-шаралары барысында Әйет ауылының 59 жастағы тұрғыны қолға түсті. Арнайы операцияны облыстық полиция департаментінің экстремизмге қарсы іс-қимыл басқармасы мен Б.Майлин ауданы полиция бөлімінің қызметкерлері бірлесіп жүргізді.
Тінту кезінде күдіктінің үйінен қолдан жасалған атыс қаруы табылып, тәркіленді. Сараптама нәтижесінде бұл қарудың ойық ұңғылы, яғни атуға жарамды екені анықталды.
Бұған қоса ер адамның үй іргесіндегі учаскесінен алты түп қарасора өсімдігі табылды. Тәркіленген есірткінің жалпы салмағы 11,5 келіден асқан.
Қазіргі таңда күдікті уақытша ұстау изоляторына қамалып, оған қатысты Қазақстан Республикасы Қылмыстық кодексінің бірнеше бабы бойынша қылмыстық іс қозғалды.
Полиция азаматтарға ескерту жасайды: атыс қаруын немесе есірткі заттарын заңсыз сақтау — ауыр қылмыс, ол үшін заңмен қатаң жаза қарастырылған.
Ұқсас жаңалықтар
Ақпарат
Шаруалардың маңдай тері ақталатын күн жақын
- 25 қыркүйек, 2025
Әлемде транзит үшін бәсеке күшейіп бара жатыр – Тоқаев
- 8 қыркүйек, 2025
Цифрландыру пойыздың кешікпеуіне көмектесе ме?
- 21 тамыз, 2025
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді




