
Жас айтыскер Дидар Апбасов жырдан шашу шашып, ақын кешінің ажарын кіргізді. Кенен Әзірбаев атындағы облыстық филармонияның әншілері Маралбек Бабақұлов, Қайсар Көкішев пен Әлібек Малдыбаев әннен тарту жасады. Әлібек Малдыбаев саксафонмен өнер көрсетіп, ақын әпкесінің алғысына бөленді. Кешті ақын Марал Хантөреқызы жүргізіп, қонаққа әсерлі сұрақтар қоюымен де ерекшеленді.
Кеш барысында қонақ Ақсұңқар Ақынбаба сөзін өзі жазған Бейбіт Оралұлының «Мен оралдым» атты әнін орындап берді. Сонымен қатар ол бірнеше өлеңдерін оқып, Анна Ахматовадан өзі аударған өлеңдерді де ел назарына ұсынды. Кеш барысында кітапхананың жас оқырмандары ақынның бірнеше өлеңдерін жатқа оқып, өнерлерін көрсетті. Кеш соңында қорытынды сөз алған бас кейіпкер әдемі ой толғады.
«Бүгін ерекше әсерге бөленіп отырмын. Қасиетті Әулиеатада кешім өтуде. Әулиеатаның зиялы қауымы, ақын жазушылары кешіме ортақтасты. Қазақстан Жазушылар одағының Жамбыл облыстық филиалына, осы аталған кітапхана ұжымына көп рахмет. Жалпы, ақындық бөлек, аудармашылық бөлек. Аудармашылық та үлкен өнер. Оны Анна Ахматованың бір кітапқа жуық өлеңін аударғанда түсіндім. Ол аудармам жеке кітап болып шықты. Осы кезге дейін Анна Ахматованың бір кітап өлеңін қазақшаға аударған ешкім жоқ екен. Ол менің маңдайыма жазылды. Баршаңызға рақмет. Алдағы уақытта да қазақ поэзиясына қызмет етемін», – деді ақын Ақсұңқар Ақынбаба.
Есет ДОСАЛЫ
Ұқсас жаңалықтар
Ақпарат
Сотқа деген сенім – бәрінен маңызды
- 1 шілде, 2025
Жамбылда ҚАЖД қызметкерлері қан тапсырды
- 14 маусым, 2025
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді