Аталған түсіндірме жұмыстары барысында сотталғандарға рақымшылық туралы Заңның негізгі қағидалары, рақымшылыққа ілігудің шарттары, оны қолдану тәртібі мен ерекшеліктері жан-жақты түсіндірілді. Сонымен қатар, заңның әрбір баптарына жеке тоқталып, сотталғандардың қойған сұрақтарына нақты және толық жауаптар берілді.

Түсіндірме жұмыстарының мақсаты — рақымшылық актісінің құқықтық мазмұнын түсіндіру арқылы сотталғандардың құқықтық сауаттылығын арттыру, олардың заң талаптарын дұрыс түсінуіне жағдай жасау және Заңды тиімді әрі әділ қолдануға негіз қалау.

Іс-шара соңында арнайы бөлім мен тәрбие бөлімі қызметкерлері тарапынан рақымшылықтың сотталған әрбір адамға жеке тәртіппен қолданылатыны, бұл ретте нақты қылмыстық іс пен сот үкімінің мән-жайлары ескерілетіні туралы да ескерту жасалды.