Шараның басты мақсаты – жас ұрпақтың бойында отансүйгіштік пен елге деген құрмет сезімін қалыптастыру. Бұл патриоттық акцияға Тараз қаласындағы жоғары оқу орындары мен колледждерде білім алып жатқан белсенді жастар қатысты.

Игі бастама қала тұрғындары мен орталыққа келушілердің назарын аударып, көпшіліктің ыстық ықыласына бөленді. 

Ұйымдастырушылардың айтуынша, бұл – жастарды ұлттық құндылықтарға баулу және мемлекеттік рәміздердің мән-маңызын терең ұғындыру бағытындағы жоспарлы жұмыстардың бір бөлігі ғана. Алдағы уақытта да осындай патриоттық шаралар жалғасын табатын болады.

Айта кетейік, бүгін, 4 маусым – Мемлекеттік Рәміздер күніне орай Тараздағы ҚР Тұңғыш Президенті саябағында облыс әкімі Ербол Қарашөкеевтің қатысуымен салтанатты шара өтті.